作者：简昉，朗读：荡漾，视频：吴宵峰。
我顶欢畅听侬讲闲话，侬一讲闲话牛奶瓶就响起来了。光明牌的牛奶挨下来便是马桶划筅，4/4拍的拍子，手好不酸了。卖豆腐浆的也来了，三分洋钮一大碗，侬一讲闲话爷叔只面孔一记头就出来了。伊顶帖服蒋佩玲，讲讨老婆就要迭种女人。小矮凳坐到夜到头，山湖也嘎到夜到头，一口牙齿辣辣黄。
棉花胎侪挪出来了，一根线弹勒嗡嗡响，像两百廿贰只蜜蜂过来帮忙，一歇歇黄哈哈的棉花块。像从乡下头嫁过来的小妹，一记头变勒白白胖胖，小妹笑咪咪，顺带便坏的棕梆修伐，藤梆修伐。侬一讲闲话阿宝六岁，贝蒂三岁，皋兰路走过去是思南路，阿大的葱油饼勒南昌路，修鞋子的老伯伯，不勒嗨老长辰光了，我没看到侬也老长辰光了，我顶欢畅听侬讲闲话唻。
欢迎加盟上海话朗读群。
